Meira en þrír fjórðu hlutar af yfir 500 milljörðum dollara í landbúnaðarsjóðum sem árlega eru veittir framleiðendum um allan heim hafa aðallega áhrif á verðlag og geta verið skaðlegir fyrir náttúru og heilsu. Þetta er helsta niðurstaða nýrrar skýrslu Sameinuðu þjóðanna við upphaf ráðstefnu SÞ um líffræðilegan fjölbreytileika.
Skýrsla Matvæla- og landbúnaðarstofnunar Sameinuðu þjóðanna (FAO), Þróunaráætlunar Sameinuðu þjóðanna (UNDP) og Umhverfisstofnunar Sameinuðu þjóðanna (UNEP) hvetur til þess að fjárhagsstuðningur við matvælaframleiðslu verði ekki minnkaður né afnuminn, heldur notaður á annan hátt.
Þessar þrjár stofnanir SÞ segja að alþjóðasamfélagið stefni í að ná ekki Þúsaldarmarkmiðum SÞ fyrir árið 2030 og heldur ekki loftslagssamkomulagi Parísar. Alþjóðlegur stuðningur við landbúnað nemur 15 prósentum af heildarverðmæti landbúnaðarframleiðslu. Á næstu tíu árum mun þessi stuðningur meira en þrefaldast og ná 1.759 milljörðum dollara.
Til þess að ná loftslagsmarkmiðum Parísarsamkomulagsins þarf að færa stuðninginn, sérstaklega í ríkari löndum, og beita honum til að draga úr kjöt- og mjólkurframleiðslu. Samkvæmt stofnunum SÞ kemur þessi atvinnugrein fyrir um 14,5 prósent af allri losun gróðurhúsalofttegunda á heimsvísu.
Í löndum með lágar tekjur ættu ríkisstjórnir að íhuga að endurúthluta stuðningi sínum frá eituráburði og skordýraeyðum eða einrækt til annarrar nýtingar.
Núverandi stuðningur er oftast í formi verðhvatna, svo sem innflutningsgjalda og útflutningsstuðnings, sem og skattalækkana bundinna við ákveðinn hrávara eða aðföng.
Skýrslan segir að þessar aðgerðir séu ó skilvirkar, valdi röskun á matvælaverði, skaði heilsu fólks, skaði umhverfið og séu oft óréttláttar á þann hátt að stór landbúnaðarfyrirtæki fái forgang yfir smærri bændur.
Á síðasta ári glímdu allt að 811 milljónir manna um heim allan við langvarandi hungur og næstum þriðjungur heimsins (2,37 milljarðar) hafði ekki aðgang að nægjanlegri fæðu allt árið um kring. Árið 2019 gátu um þrír milljarðar manna alls staðar frá í öllum heimshlutum ekki aflað sér holls mataræðis, eins og staðfest var á matvælaráðstefnu SÞ í síðustu viku.
Í skýrslunum kemur fram að þrátt fyrir að mestur hluti landbúnaðarstuðnings nú til dags hafi slæm áhrif, styður um 110 milljarða dollara innviði, rannsóknir og þróun og nýtist almennt matvæla- og landbúnaðargeiranum.